وامهنداااااااااااه

عضو عدد الرسائل : 103 تاريخ التسجيل : 02/08/2008

قرات كثيرا عن مسلسل مهند ونور ولم اراه .. ولكن ازعجني ماقرات مع اني لا ارى ان الانسحابية والانهزامية وضعف الشخصية من الممكن ان يصيب بناتنا بهذه الطريقة وقد تكون القنوات الفضائية العارضة قد بالغت في الاعلان عن المسلسل واحاطته بردود الفعل الشاذة... لكن ما ازعجني هو ذلك الافتتان الذي رايته من بعض الفتيات الانسحابيات... فاجدها تريد من فتاها ان يكون مهند والا الويل والثبور.... واقول نعم من حقك ايتها الفتاة ان تجعليه مهند فاجعليه مهند ... ابحثي له عن وظيفة بعشرة الاف دولار شهريا .. واشتري له شاليه بالعين السخنة لزوم الرومانسية ومركبا بالنيل لوقت العصرية .. ومعجون اسنان بالمستكة والحبهان ... وبلاش حنطور هاتيله عربية ياخدك .. اسوان او اسكندرية.. وخدم وحشم.. وفي اوضة النوم بلاش البصل والتوم

ولبسك اسباني وعطرك باريسي ويوناني
وحصان عنتر وكلام قيس.. وماتحسسيهوش انه تيس

اما بقى اللي ممعهوش مايلزمهوش . او بقى الخطة التانية .. انا مش عايزة جهاز ولا كنبة وبوتاجاز انا راح اعيش وياك ولو على لمبة جاز

وعش العصفورة يقضينا.. اهو على الاقل محدش يزورنا ولا يجينا وجحر الديب يقضي ميت حبيب .. واهو زنقة الحبيب زي اكل الزبيب....واللبس والعطر ياخوي ماتشيلش هم اركب المعدية في الرايحة والجاية... 10 شارع جاردن ستوتة... هاتلاقي اللبس والعطر ومليون بوسة... المهم كفاية كده واخش في الموضوع بصراحة من سنين تركت قلمي ولم اطاوع الحروف والكلمات .. لظروف الحياة والملمات.. لكني وبما اني.. وحيد الان .. شعشعت في دماغي .. وقريت شوية في المنتدى ولقيت الكلام عن المسلسل امهند باشا والبرنسيسة نور والموضوع زايد حبتين قلت ... ياقلمي فينك فين... يمكن ... يجي على بالي كلمتين...ماهو برضة مش للدرجادي الاقي البنات واحدة تعيط والتانية تنادي... مع ان المهند سيف لكنه يظهر على المسلمين .. وبرضه نور .. تنوير ...ماحنا سمعناها من سنين ... بس والله .. انتوا كنتوا صغيرين .. المهم قلت ابتدي منين الحكاية ... لقيت نفسي باصرخ واقول

وااااااااااااااااااااااااااامهنداه

ومسكت مدادا اسودا قي بحر السكون

ونور تتزين ومهندقابع في العيون
والحب يفتح فاه.. والاماني والظنون

مهند... يبكي فتألمون... وتصرخون

وبني الغدر في لحومنا يقطعون

ياقوم الى متى... الى متى تتفرجون

يافتاااااااااتي

مهند نفى الموات عن المشاعر

مهند نفى السبات عن العيون

يافتااااتي

اتذكرين الخنساء...اتعرفين الشيماء

بنت كعب تعلمين... ام جهلت مافعلت اسماء

ام ان نور ومهند من قلبك في السويداء

اه يافتاتي

نسيت حناجرك حروف الكبرياء

يافتاتي في زمن العثار

يامن اثقلتي على مصاحفنا الغبار

واكننتي في قلوبنا ذل الانكسار

وقتلتي الامل الكبير حتى صار في زمن الاحتضار

يامن رايتي مهندا... ياتي في زمن الكبار

فالمهند هو سيف

مع جيش محمد سيعود في وضح النهار

يافتااااااتي

يامن غرستي في فؤاد القهر مهندا

غرستي غرسا يسقينا المنون مؤبدا

وجلستي يافتاتي على ابواب الاعادي

جلستي تحلمين

وااااه من الركوع

ركعت منا النساء.... عند ارباب الهوى

لمهند تبكي....تصرخ.... من لوعة الجوى

واااااااااه

واه يعصف الهم بروحي

خيم الذل على ايامي .... خيم الذل على عمري

ومهند قد شيد القهر في وطني

اما رايتي يافتاتي اطفال الحجارة والقتال

اما رايتي تبكيهم زهور البرتقال

ام ان مهندا في قلبك نشيد وابتهال

يااااااااااامهند

دموعك انهار من الحب واللهب

دموعك اطفأت حلما... ونامت فتاتي... من القهر والتعب

يااااااامهند

اطفالنا بارض القدس قد سحلوا

وبالرافدين قتلوا بلاسبب

سوى الايمان بالله والكتب

ياااامهند

يامهند سنعود في عز وفي غلب

وستمضي الى سادتك مثلمل ولت

كتائب الافرنج من حقب

وستبقى يامهند تائها في الارض

تعبد من نور قرطها الذهبي

فتااااااااااااااتي

فتاتي ياحرة في القيود

نقش مهند فوق جسمك كوشيم ممدود

فتاتي ولدتي في عصر الهزيمة والارتماء

لم تعرفي من مهند غير الانين .... غير البكاء

الم تعلمي ان مهندا سيف صليل بيد الاتقياء

الم تعلمي بان نورا... نور صلاتك في الظلماء

وجعلوا المهند سيفا على رقاب الاغبياء

وجاءوا بنور.. من التنوير... قرأناه في سنين الجفاء

قف

قف ياقلمي بصدق العزيمة والكبرياء

فلا نور... ولا مهند... يعرفوا عني مفردات البكاء

وان سقطت دموعك يافتاتي كالرذاذ

فاعلمي ان مهندا غلافا على صحف الشواذ

ان كنت تبغين رجلا.... فابحثي عن سليل سعد ومعاذ

لا عن نصف رجل... اذا جن ليل... نادى بمثله ولاذ

واقلي

واقلي من لومك يافتاتي.. ولا تكثري العتاب

وترحمي على حالي اختاه اذا ... ووري جسدي في التراب

انتهت

الاخوة والاخوات اعضاء المنتدى اريد الرأي بكل شفافية فالنثر من تاليفي وارجو ان كانت تصلح للنشر في منتديات اخرى ان توضحوا الرأي فبرأيكم نتستنير

وجزاكم الله خيرا

قلب الاسد تسلم ايدك ياجميل
على الموضوع الحلو دا
نيس توبيك ياجميييييييل

بصراحة انا مشفتش المسلسل بس سمعت عنه بس مظنش ان البنات بتعيط عشان واحد زى مهند يعنى ولو فى بنات كده يبقى هى بدور على شكل بس مش راجل يتحمل مسأليه الزمن الى احنا عيشينه
بجد تسلم أيدك على النثر الى انت كاتبه هايل اوى

والله فعلا الموضوع ده جاي في وقته
وانت عندك حق
ربنا يهدي البنات والناس كلها
تسلم ايديك ياجميل

تسلم ايدك ياقلب الاسد على النثر الراااااائع ده

بجد نثر حلو جدا جدا

وكان هيبقى احلى لو كان فى موضوع تانى غير مسلسل نور

طبعا مع احترامى لكلامك بس انا كنت بتفرج على المسلسل

وشايفه اانه ميستهلش كلمه واحده بس وحشه

وميستهلش اى نقد

نيس توبيك ياجميييييييييييييييييل

تسلم ايديك يا قلب الاسد على التوبيك الرائع

والنثر الاروع

ولكن انا مع حب العمر ف رأيها المسلسل جميل جدا

ولا يستحق النقد

وانا بعتبر ان اى نقد يوجه للمسلسل ده

ف ده مش هيبقى اكتر من حقد من اعداء النجاح

وفى مقوله بتقول ان الشجرة المثمرة بس هى اللى بيكثر

قذفها بالحجارة

يعنى المسلسل دة لو مكنش ناجح فعلا مكنش حد هيتكلم عليه

وولا كان هيشغل الرأى العام بالطريقة دى

وانا شايفة ان انت بتتكلم من منطلق الكلام والنقد اللى انت سمعته

عن المسلسل

لكن انت مشوفتوش علشان تحكم عليه